ناشرکاری ءَ قبائلی ضلع  درستاں چہ گیش آماچ بوتگ انت، ورنا آناں روزگار ءِ موہ پجاری  اولی ترجی داتگیں  کار انت، قبائلی ضلع آنی تہ ءَ سکول، ٹیکنیکل کالج ءُ یونیورسٹی جوڑ کناں، مزن وزیر عمران خان

وانا۔20جنوری  (اے پی پی): مزن وزیر عمران خان ءَ زرباری وزیرستان ءَ تھری جی ءُ فور جی انٹرنیٹ سروس پچ کنگ ءَ جار جنان ءَ گوشت کہ ناشرکاری ءَ قبائلی ضلع درستاں چہ گیش آماچ بوتگ انت، ورنا آناں روزگار ءِ پجاری  اول سرئی کار انت، قبائلی ضلع آنی سکول، ٹیکنیکل کالج ءُ یونیورسٹی جوڑ کناں، زرباری وزیرستان ءِ الس آنی واستہ وانگ ءُ زانگ ءُ روزگار  ٹوھیں جیڈھ انت، الس  ءِ علاج ءِ آسراتی پجاری کنگ ءِ واستہ ہیلتھ کارڈ  دیاں،  قبائلی دمگ آنی زیتون ءِ  کشت ءُ کشار ءِ  آشو ب ءِ کاراں، احساس پروگرام ءِ چیر دستی ءَ گریب ءُ بزگریں مردم آنی  مالی کمک پجاری کنگ بیت، بھارتی حکومت پاکستان ءَ یک شلیں  جنگ ءُ چوپ شنگ ءُ تالان  کنگ لوٹ ایت، پی ٹی آئی حکومت ءِ فلسفہ انت کہ بزگیں تبک ءُ پشمندگیں دمگ ءِ دیمروئی  بہ بیت، وھد سہرا کنت کہ  قبائلی دمگ آنی  ھمگام کنگ جوانیں پیسلہ ءِ بوتگ۔ اے ھیالانی درشانی    مزن وزیر عمران خان ءَ  چار شمبے ءِ روچ ءَ ادا کامیاب جوان پروگرام ءِ چیر دستی ءَ چیک بھر ءُ بانگ کنگ ءِ مراگش ءَ گوں گشتانک دیان ءَ کت۔  مزن وزیر عمران خان ءَ گوشت کہ  ھما  دمگ دیمروئی ءِ کشک ءَ پشکپتگ انت مئے درستاں چہ مستریں کوشست انت کہ آھودے مردم آناں آسراتی پجاری کنگ بہ بیت ءُ اے دمگ آنی دیمروئی  بہ بیت۔