اسلام آباد۔ 20جنوری (اے پی پی) وزیراعظم عمران خان قبائلی ضلع غاتا شونداری آ خاص چکار نا ویژن نا رداٹ (اینو چارشنبے نادے ) آ سویلی وزیرستان نا دورہ ءِ کیک۔ وزیراعظم آفس نا میڈیا ونگ آن جاری بیان نا رداٹ وزیراعظم وانا ٹی ہندی آبادی ءِ آب اٹ تعلیم نا فراوانی کن جوڑ مروک کیڈٹ کالج وانا نا ودکی ڈٹ انا بنداو ءِ تخک۔ سویلی وزیرستان نا آبادی ءِ راجی رکھ فراوان کننگ کن احساس کفالت پروگرام نا رداٹ حقدار آتیٹی چیک ہم بشخک۔ داکان بیدس وزیراعظم ءِ احساس پروگرام نا ڈیجیٹل سروے آ حوال ہم تننگک۔ وزیراعظم وانا ٹی ہندی قبائلی سرکڑدہ غاتون اوڑدہی کیک۔ داڑتون اوار اوار سرسہب ورناپروگرام نا وام اسکیم و یوتھ انٹرپنیورشپ اسکیم نا رداٹ میرٹ آ بروک آ ہندی ورناتیٹی چیک ہم بشخک۔ وزیراعظم اوکان پد مولاخان سرائے ٹی پوسکن آ آسراتی تیان شُپ ہسپتال نا بناءِ کیک و ہموجاگہ نا ہندی سرکڑدہ غاتون اوڑدہی ہم کیک۔

متعلقہ مضامینمصنف کی طرف سے مزید