اسلام آباد۔ 20 جنوری (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ پی ڈی ایم تینا سیاسی زند انا آخیریکو چم ءِ ہم کاریم اٹ ایسونے، مولانا فضل الرحمان اقتدار نا پٹنگ اٹ دردر نا ٹھوکر کُننگ ءِ، 5 فروری آ پی ڈی ایم نا کنڈآن مظاہرہ غاتا پڑو تینا کرپشن ءِ بچفنگ کن ءِ۔ وزارت آن جاری بیان نا رداٹ داخیال آتا درشانی ءِ او پی ڈی ایم نا مظاہرہ غا ردعمل اٹی کرے۔ بنجائی وزیر پارے کہ پی ڈی ایم تینا سیاسی زند انا آخیریکو چم ءِ ہم کاریم اٹ ایسونے۔ داسہ پی ڈی ایم تون ایکشن ری پلے آن بیدس ہچ اس سلتنے۔ اوپارے کہ پاکستانی قوم اوفتا جلسہ، لانگ مارچ و استیفہ غاتا ڈرامہ ءِ خنانے۔ اوفتا غٹ چم آتیٹی اقتدار آن محرومی نا ڈکھ و کرپشن بچفنگ پیدوار ءِ۔ اوپارے کہ مولانا فضل الرحمان اقتدار نا پٹنگ اٹ دردر نا ٹھوکر کُننگ ءِ۔ علی امین گنڈاپور پارے کہ 5 فروری آ پی ڈی ایم نا کنڈآن مظاہرہ غاتا پڑو تینا کرپشن نا بچفنگ کن ءِ۔ مولانا فضل الرحمان یوم یکجہتی کشمیر ءِ ہم تینا کرپشن بچاؤ سیاست نا گواچی کننگ خواہک۔ پن نا آجوئی مارچ آن مولانا مہالو ہم کشمیر کاز ءِ نسخان تسنے۔ اوپارے کہ مولانا کشمیری تا حق اٹی مظاہرہ کم و تینکن زیات ہوغک۔ بنجائی وزیر پارے کہ قوم چاہک کہ مولانا اینو اسکان کشمیری تا مخ تفی ٹی اخس مظاہرہ کرینے۔ ہرگام اٹ پی ڈی ایم و مولانا قوم انا مون آ بے نقاب مننگ ءُ۔
