اسلام آباد۔ 20 جنوری (اے پی پی) وزیراعظم نا خصوصی کمکار امور نوجوانان عثمان ڈار پارینے کہ وزیراعظم عمران خان نا وژن نا رداٹ ورناتیا زرکاری نا بابت سرسہب ورنا پروگرام کلیدی اہمیت اس تخک، سرسہب ورنا پروگرام ورناتے باروزگار و واکدار کننگ نا سد ارب روپئی نا انقلابی ڈٹ اسے۔ چارشنبے نادے آ تینا بیان اٹی اوپارے کہ سرسہب ورنا پروگرام نا رداٹ مچ آ ملک انا کم و ود غٹ بینک آتا کمک اٹ آسان ترین شڑت آ لائخ انگا ورناتے کاروباری وام تننگ انگ ءِ۔ اوپارے کہ پروگرام نا رداٹ مچ آ ملک اٹی داتم اسکان پنچ ارب روپئی بشخنگانے و بروک آ منہ تُو اٹی پین دہ ارب روپئی ورناتے کاروباری وام تا مد اٹی تننگک۔ وزیراعظم عمران خان نا وژن نا رداٹ ورناتیا زرکاری نا بابت سرسہب ورناپروگرام کلیدی اہمیت تخک۔ عثمان ڈار پارے کہ ملک اٹی نیزگاری ءِ چٹفنگ و ورناتے روزگار اس تننگ نا بابت وزیراعظم سرسہب ورناپروگرام کلیدی کڑد ادا کننگ ءِ ہنداوڑ سرسہب ورنا پروگرام ورناتے باروزگار و واکدار کننگ نا سد ارب روپئی نا انقلابی ءُ ڈٹ اسے۔
