اسلام آباد۔ 20 جنوری (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ حکومت سینیٹ و قومی اسمبلی نا دیوان ءِ بٹنگ نا فیصلہ ءِ کرینے ہرانا رداٹ قومی اسمبلی وسینیٹ نا دیوان جمعہ نا سہب اتون اڈ ہلیرہ۔ چارشنبے نادے آ اسہ بیان اسے ٹی اوپارے کہ پارلیمنٹ نا دیوان ءِ بٹنگ کن او وزیراعظم تون سلابت کرینے۔ سینیٹ و قومی اسمبلی نا دیوان ءِ اسہ ہی دے آ بٹنگ انگ آ امنا مسنے۔ اوپارے کہ پی ڈی ایم ءِ الس سڑک آتیا مسترد کرینےہنداخاطرآن غٹ ہاؤس آ پدی بریر۔ بے چیٹی نا جاگہ غا عملی و السی خذمت کن ایوان اٹی کڑد ادا کیر۔ اوپارے کہ سینیٹ و قومی اسمبلی نا دیوان ءِ 22 جنوری جمعہ نادے آ بٹنگ انگانے۔ سینیٹ نا دیوان سہب انا 10 بجہ غا و قومی اسمبلی نا دیوان ءِ 10 ءُ نیم بجہ غا مریک۔ دیوان ءِ بٹنگ انگ آن مست این سی او سی آن نوشتہی پارت ہم ہلنگانے۔
