اسلام آباد۔ 20 جنوری (اے پی پی) 60 ارب ڈالر خڑچ انا سی پیک ڈٹ پاکستان نا روشنا آخبت نا ضمانت ءِ۔ سی پیک اتھارٹی نا کمامدارآتارداٹ توانائی، انفراسٹرکچر، صنعت، واپار، کشت وکشار و ایلو بشخ آتیٹی انقلاب اس اتوک دا کثیر جہتی ڈٹ پاکستان نا زرگزرانی، راجی و جہانی حیثیت ءِ سوگو کننگ اٹ لگوک ءِ۔ وزیراعظم عمران خان ساڑی ٹی پارینے کہ چین نا سرسہبیک ہیل انا قابل ءُ و چین پاکستان اقتصادی راہداری (سی پیک) نا فریم ورک نا رداٹ چین اتون کمکاری آن پاکستان نا شونداری ٹی پین ودکی مریک۔ اسہ پٹی اسہ شاہراہ گام گیج نا رداٹ سی پیک نا ڈٹ بروک آ سال تیٹی جہانی منظر نامہ ءِ یکسر بدل کیک۔ سی پیک نا رداٹ ڈیہہ ٹی شونداری نا اسہ پوسکن ءُ دور اس بناکرینے۔ چین پاکستان اقتصادی راہداری نا ارٹ میکو ریسہ نا رداٹ مچ آ ملک اٹی ٹیکنالوجی زون و خصوصی اقتصادی زون تفنگ انگ ءِ۔
