اسلام آباد۔ 19 جنوری (اے پی پی) بنجائی وزیر داخلہ شیخ رشید احمد پارینے کہ شار اٹی امن و ایمنی ءِ بحال تخنگ کن ہرگڑاغا نظر شاغنگک، کیمرہ غاتے اٹ اسلام آباد اٹ پترینگوک آ کسر تا سخت چاروکی ءِ کننگک، پرامن برانز نا موکل ءِ۔ وزارت داخلہ آن جاری بیان نا رداٹ داخیال آتا درشانی ءِ او سے شنبے نادے آ پی ڈی ایم نا الیکشن کمیشن نا مون آ برانز نا وخت آ کرے۔ داحالیت آتیٹی وزارت داخلہ ٹی کنٹرول روم اس جوڑ کننگانے۔ وزیر داخلہ شیخ رشید احمد حالیت آتا تینٹ مانیٹر کننگ نا فیصلہ ءِ کرینے۔ شیخ رشید سیکرٹری داخلہ یوسف نسیم کھوکھر تون اوار کنٹرول روم نا دورہ ءِ کرے۔ کنٹرول روم اٹی آسراتی تا جاچ ءِ ہلک و کنٹرول روم آن اسلام آباد ءِ مانیٹر کننگک۔ داوخت آ شیخ رشید احمد پارے کہ شار اٹی امن وایمنی ءِ بحال تخنگ کن ہرگڑاغا نظر شاغنگک۔ کیمرہ غاتے اٹ اسلام آباداٹ پترینگوک آ کسر تا سخت چاروکی ءِ کننگک۔ اوپارے کہ پرامن برانز نا موکل ءِ۔ شاہراہ دستور آ اولیکو وار موکل تننگانے۔ اومیت ءِ پی ڈی ایم الیکشن کمیشن نا مون آ پرامن برانز کیک۔
