اسلام آباد۔ 19 جنوری (اے پی پی) وزیراعظم نا خصوصی کمکار سیاسی رابطہ ڈاکٹر شہباز گل پارینے کہ وزیراعظم عمران خان دادُزآتے اسُل این آر او تفک، ہندا سوب آن دافک غوغا کننگ ءُ، پی ٹی آئی الیکشن کمیشن اٹی اسہ اسہ اکاؤنٹ نا حساب تس و 40 ہزار دستاویز جمع کرفے، اسہ پیسہ اس ہم درملکی سے آن ہلتو۔ سے شنبے نادے آ تینا ٹویٹ اٹی اوپارے کہ بیرہ پاکستانی تیان فنڈ یکجا کرے ہراڑآ ننے گمر ءِ، ہراتم الیکشن کمیشن نمے آن حساب نا اَرفے تو نم ورندی تسرے ننا داڑے ریکارڈ تخنگ نا رواج الوکہ، ورندی تو داسہ نمے آن ہلینہ۔ اوپارے کہ معلوم مس کہ مہالو ملک ءِ بیدردی اٹ پلوک آتا ہراتم سچ پاش مس و ہلنگار تو نت تیا تمسا این آر او ہلکر۔ ملک آن نرار و دا این آر او نا قیمت ءِ نیزگار الس نا خیدآتا کٹیا غان ادا کننگا۔ انشاء اللہ دا دُزآتے عمران خان اسُل این آر او تفک و ہنداسوب آن دا غوغا کننگ ءُ۔
