اسلام آباد۔ 19 جنوری (اے پی پی) بنجائی وزیر تعلیم و کسبی تربیت شفقت محمود نا پارت آ پاکستانی طالب علم آتیکن غٹ ملکی و جہانی اسکالر شپ آتاسرجم آتے بنجائی وزارت تعلیم و کسبی تربیت نا ویب سائٹ آ لنک کننگانے۔ بنجائی وزیر پارے کہ طالب علم آتا آسانی ءِ مون آ تخسا داآسراتی ءِ درستی راستی کرفینے۔ اگہ اسہ پروگرام کن چندی ڈونر ایجنسی تا اسکالر شپ ساڑی ءِ تو داڑآن طالب علم آتون چوائس مریک کہ زیات جوان اسکالر شپ آن فائدہ ہرفنگ کیر۔ طالب علم آتے داسہ چندی ویب سائٹ آتیا ہنسا اسکالر شپ پٹنگ نا گرج مفک۔ نئے بیرہ داڑآن طالب علم آتا نہادی وخت و توانائی نا بچت مریک بلکن غٹ پت انا قابل و فائدہ مند معلومداری اسہ جاگہ غا میسر مریک۔ بنجائی وزارت تعلیم و کسبی تربیت نا ویب سائٹ آ ایچ ای سی نا ملکی و درملکی اسکالر شپ آتیان بیدس نیسٹ اسکالر شپ، جائیکااسکالرشپ، کوآئیکا اسکالر شپ، شیوننگ اسکالر شپ، فل برائیٹ اسکالرشپ، آسٹریلین ایڈ اسکالر شپ، فرانس اسکالر شپ، ہنگری اسکالر شپ، یوایس ایجوکیشنل فاؤنڈیشن اسکالرشپ، جرمن اکیڈیمک ایکسچینج سروس، چائںہ اسکالرشپ کونسل، ترکی اسکالر شپ و ورلڈ بینک، ایشین ڈویلپمنٹ بینک و اسلامک ڈویلپمنٹ بینک انا اسکالر شپ آتے لنک کننگانے۔
