اسلام آباد۔ 19 جنوری (اے پی پی) بنجائی وزیر اسد عمر پارینے کہ براڈ شیٹ ایوارڈ نا سرجم آتیان پک مس کہ نواز شریف پارلیمنٹ، سپریم کورٹ و قوم اتون دروغ تڑے۔ بنجائی وزیر اسد عمر سے شنبے نادے آ تینا ٹویٹ اٹی پارے کہ براڈ شیٹ ایوارڈ نا سرجم آک مون آ بسنو، ثالث پارے شریف خاہوت 2000آن ایون فیلڈ اپارٹمنٹ نا مالک ءِ، پک مس کہ نواز شریف پارلیمنٹ، سپریم کورٹ و قوم اتون دروغ تڑے۔ تدوک آ دے بنجائی وزیر اسد عمر براڈ شیٹ انا بابت فیصلہ ءِ شیئر کرسا پاریسس کہ دا ڈاکومنٹ آک پی ٹی آئی حکومت یا نیب انا نوشتہ کروک افس دافتے انگلینڈ نا جج لکھانے کہ شریف خاہوت نا ڈکھوک آ دولت ہرافتے ٹی لندن نا ایون فیلڈ فلیٹ اوار ءِ اوفتے پٹنگ نا معاوضہ 20.5 ملین ڈالر جوڑ مریک ہرانا حق دار براڈ شیٹ ءِ۔ اسد عمر نا پاننگ ئس کہ شریف خاہوت نا ڈکھوک آ دولت 100 ملین ڈالر یعنی 16 ارب روپئی ءِ پٹنگ آ دا 20 ملین معاوضہ رسینگا انتئے کہ معاہدہ نا رداٹ 80 درسد پاکستان و 20 درسد بروڈشیٹ ءِ بشخ انا ملنگ ئس۔ 100 ملین ڈالر پاکستان نا الس آن پلا و زی آ 20 ملین ڈالرنا ہرجانہ انتئے کہ شریف حکومت میرات آتے پدی ہلتو۔
