اسلام آباد۔ 19 جنوری (اے پی پی) ملک اٹی تیل انا درآمد آتیٹی برجا مالی سال نا اولیکو نصف اٹی تدوک آ مالی سال انا ہندا وخت انا مقابلہ ٹی 22.32درسد نا کمتی ریکارڈ کننگانے۔ پاکستان بیورو شماریات نا حساب وکتاب نا رداٹ جولائی آن ہلیس دسمبر اسکان نا مد اٹی تیل انا درآمد آتا کچ 4.771 ارب ڈالر ریکارڈ کننگا ہراتدوک آ مالی سال انا ہندا وخت انا مقابلہ ٹی 22.32 درسد کم ءُ۔ تدوک آ مالی سال انا ہنداوخت اٹی تیل انا درآمد آتیٹی 6.142 ارب ڈالر زرمبادلہ خڑچ مسوسس۔ داوخت اٹی پٹرولیم مصنوعات آتا درآمد آتا کچ 2.168 ارب ڈالر ریکارڈ کننگا ہراتدوک آ مالی سال انا مقابلہ ٹی 16.30 درسد کم ءُ۔ تدوک آ مالی سال انا ہندا وخت اٹی پٹرولیم مصنوعات آتا درآمد آتا کچ 2.59ارب ڈالر ریکارڈ کننگاسس۔ خام پٹرول نا درآمد 25.31 درسد نا کمتی ریکارڈ کننگا۔ جولائی آن دسمبر 2020ء ٹی 1.322 ارب ڈالر نا خام پٹرول درآمد کننگا۔ تدوک آ مالی سال انا ہندا وخت اٹی 1.77 ارب ڈالر مالیت نا خام پٹرول درآمد کننگاسس۔ ہنداوڑ ایل این جی نا درآمد اٹی 35.33 درسد نا کمتی ریکارڈ کننگا۔ یات سلے کہ برجامالی سال انا اولیکو 6 تُو اٹی ملکی برآمد آتا کچ 12.098 ارب ڈالر وخت اس کہ درآمد آتا کچ 24.52 ارب ڈالر ریکارڈ کننگانے۔
