اسلام آباد۔ 18 جنوری (اے پی پی) بنجائی وزیر سائنس و ٹیکنالوجی چوہدری فواد حسین سینیٹ گچین کاری کن اوپن بیلٹنگ سسٹم نا سلاہ ءِ ترسا پارینے کہ سینیٹ ءِ سوگو کننگ کن سینیٹ گچین کاری تا شو آف ہینڈز انا کمک اٹ اڈتننگ وخت انا گرج ءِ۔ دوشنبے نادے آ نجی ٹی وی چینل نا پروگرام اٹی گپ وتران کرسا اوپارے کہ سینیٹ گچین کاری کن اوپن بیلٹنگ سسٹم اختیار کننگ بھاز المی ءِ و حکومت سینیٹ گچین کاری تا وڑوڈول نا بابت سپریم کورٹ آن کمک خواہسونے۔ سینیٹ گچین کاری تیٹی سیاست دان تا جماعت آتون ڈیل کننگ نا بارواٹ چوہدری فواد حسین پارے کہ وزیراعظم عمران خان اسٹ انگا راہشون ءِ ہرا تینا 20 ایم پی اے ءِ فارغ کریسس، امریکہ ٹی گچین کاری نا حوالہ ءِ ترسا اوپارے کہ امریکہ ٹی سینیٹ گچین کاری کن براہ راست گچین کاری نا وڑوڈول اس اختیار کننگک۔ اسہ سوج اسے نا ورندی ٹی بنجائی وزیر پارے کہ کنا خیال ئس کہ اسپیکر و سینیٹر آتے براہ راست گچین کاری نظام نا رداٹ گچین کننگے۔
