اسلام آباد۔ 19 جنوری (اے پی پی) سی پیک نا رداٹ ایم ایل ون ڈٹ آن پاکستان نا شونداری نا سفر مون آ کاہک۔ سی پیک اتھارٹی کمامدارآتارداٹ چیین پاکستان اقتصادی راہداری نا رداٹ پاکستان اٹی بھلا بھلا ڈٹ آتیا کاریم برجاءِ۔ دافتے ٹی بنائی ریسہ نا ڈٹ آک پورو مسنو ہرافتا پوروی آن پاکستان نا الس فائدہ ہرفنگ ءِ۔ بجلی نا پیدوار نا بابت ڈٹ آتا پوروی آن پاکستان اٹی لوڈشیڈنگ و بجلی نا کاختی نا ویل ایسر مسنے۔ گوادر بندرگاہ فعال مسنے، ہرانا سوب آن پاکستان نا درآمدات و برآمدات آتیا مثبت اثرتمانے۔ انفراسٹرکچر نا ڈٹ آتا رداٹ پاکستان اٹی بڑزکو آب انا شاہراہ تیٹی ودکی مسنے ہرانا سوب آن رابطہ کاری، سفر و گڑاتا فراوانی ٹی آسانی نا سوب ہڷ و تس اٹی ودکی مسنے۔ لاہور اٹی میٹرو ٹرین نا بناآن شار انا تہہ ٹی ترند و وخت آ سفر نا آسراتی آن شاریک خوش ءُ۔ سی پیک انا رداٹ اسہ پین اہم ڈٹ اس ایم ایل ون ءِ ہرانا پوروی آن مچ آ پاکستان و خاص وڑاٹ پشاور نا الس ءِ بھاز فائدہ مریک۔ دا ڈٹ انا پوروی آن آخبت اٹ پشاور شار کاروباری سرجز آتا مرکز مریک داتسکان کہ نیامی ایشیانا لینڈ لاکڈ ملک آک ہم داڑآن فائدہ ہرفرہ۔
