اسلام آباد۔18جنوری (اے پی پی): مزن وزیر عمران خان ءَ گوشت کہ ھوار کتگیں ضلع ءُ بلوچستان ءِ سیم سرئی دمگ آنی نندوکیں آباتی آنی وشھالی ءِ واستہ سیم سرئی کارکیٹس آنی جوڑیشت سک باز ارزشتی انت، اے مارکیٹس آنی جوڑیشت ءَ چہ نا ایوک ءَ ھندی آباتی ءَ را روزگار بلکینگ ءَ سمگلنگ ءِ گر ءُ دار ءَ ھم کمک رس ایت۔ آئی ءَ اے ھیالانی درشانی پاک ۔ اوگان ءُ پاک۔ ایران سیم سرئی دمگ آنی بارڈر کارکیٹس ءِ جوڑیشت ءِ ھوالگ ءَ دیمروئی گامگیج آنی سر ءَ چار ءُ تپاسی دیوان ءِ سروکی ءَ کنان ءَ کت۔ دیوان ءَ مزن وزیر ءِ مشیر عبدالرزاق دائود، ھاسیں کمکار ڈاسکٹر معید یوسف، ھاسیں کمکار ڈاکٹر وقار مسعود، ھاسیں کمکار ڈاکٹر شہباز گل ءُ کلانہ ایں اپسرگ آں بھر زوری کت۔ وزیر برائے زرئی کار سید علی حیدر زیدی ءُ سیادی داروکیں کلانہ ایں اپسرگ آں ویڈیو لنک ءِ وسیلگ ءَ شریک اتنت۔ دیوان ءَ را پاک ۔ اوگان ۔ ایران سیم سر آنی سر ءَ ھندی آباتی آناں کاروبار ءِ گہتریں آسراتی، تجارت ءِ دیمروئی ءُ ورنا آناں روزگار ءِ موہ پجارینگ ءِ واستہ استیں بارڈر کارکیٹ آنی جوڑیشت ءِ ھوالگ ءَ بنجاھی ءُ صوبائی تک ءَ کتگیں انوگیں گامگیج آنی ھوالگ ءَ بریفنگ دات۔
