اسلام آباد۔ 18 جنوری (اے پی پی) وزیراعظم عمران خان پارینے کہ بھارتی شہ آ پاکستان اٹی کروک آ دہشت گردی، کشمیر اٹی اونا ظلم و 15 سال آن ننا برخلاف برجا اونا ڈس انفارمیشن مہم نا پڑدہ پاش مسنے۔ بھارتی میڈیا تینٹ مودی سرکار تون گٹھ جوڑ ءِ پاش کرینے۔ پاکستان بھارت نا جارحانہ عزم و مودی سرکارنا سفاکیت آن پڑدہ ءِ ہرفسا کیک۔ دوشنبے نادے آ تینا ٹویٹ اٹی وزیراعظم عمران خان پارے کہ 2019اٹی جنرل اسمبلی آن تینا تران اٹی ای پاریٹ کہ سفاک مودی سرکار بالاکوٹ واقعہ ءِ امر تینا گچین کاری سرسہبی کن کاریم اٹ ایس۔ داسہ تینا سیاہ کاری تا بابت پنی آ بھارتی صحافی نا تازہ انگا خط وکتابت(کمیونیکیشن) آن مودی سرکار و بھارتی میڈیا نا نیام اٹ ناپاک گٹھ جوڑ بے نقاب مسنے۔ اوپارے کہ بھارتی شہ آ پاکستان اٹی کروک آ دہشت گردی، کشمیر اٹی اونا ظلم و 15 سال آن ننا برخلاف برجا اونا ڈس انفارمیشن مہم نا پڑدہ پاش مسنے۔ داسہ ہندوستانی میڈیا تینٹ ہمو ناپاک گٹھ جوڑ ءِ بے نقاب کرینے ہرا ننا جوہری ڈیہہ ءِ داتنازع نا کنڈآ دِکہ تننگ ءِ ہرانا نن متحمل مننگ کپنہ۔ ای دُوارہ پاو کہ کنا حکومت پاکستان نا برخلاف بھارت نا جارحانہ عزم و مودی سرکارنا سفاکیت آن پڑدہ ءِ ہرفسا کیک۔ داکان مست کہ کہ مودی سرکار تینا آمخی تیان ننا ڈیہہ ءِ دا تنازع نا گواچی کے، ہرانا دا مون ءِ توننگ کپک، جہانی برادری بھارت ءِ اونا تباہ کن عسکری ایجنڈا غا پیش گامی کن ہلپ۔
