اسلام آباد۔ 18 جنوری (اے پی پی) وزیراعظم نا خصوصی کمکار سی ڈی اے امور علی نواز اعوان پارینے کہ فضل الرحمان مفاد پرست سیاستدان، سیاسی مافیامتکن آ نظام کن جہد کننگ ءِ، استیفہ تننگ نا دعویدار وخت بننگ آ نرار، نواز شریف نا انجام وڈی خور مخلوق کن عبرت اسے، السی خذمت نا سفر ءِ برجاتخنہ، زوت سوہان آن گلبرگ سروس روڈ انا تفنگ بناکیک۔ او تدوک آ دے اسلام آباد نا یونین کونسل 21 اٹی چندی شونداری ڈٹ آتا بنداوءِ تخنگ نا دود آن تران کریکہ۔ شونداری ڈٹ آتیٹی سوہان نا مرکزی بازار نا سڑک نا جوڑ جاڑ و اسہ ٹیوب ویل اسے نا خلنگ اوار ءِ۔ داوخت آ مروک آ جلسہ غان تران کرسا وزیراعظم نا خصوصی کمکار امور سی ڈی اے و باسک قومی اسمبلی علی نواز اعوان پارے کہ او خذمت نا جوزہ اٹ سیاست اٹی بسنے ہرانا پیدوار درور اونا کرفوک آ کاریم ءِ۔ اوپارے کہ نن اسلام آباد نا غٹ یونین کونسل آتیٹی کاریم تا بناءِ کرفینن سوہان آن اقبال ٹاؤن تا گلبرگ سروس روڈ آ کاریم نا بنابھاز زوت مریک۔ اوپارے کہ تجاوزات آتا برخلاف آپریشن اٹی اٹ ہرکس کہ بریک اونا برخلاف کارروائی مریک۔ علی نواز اعوان پارے کہ شار اتون اوار اوار خلق آتیٹی ہم شونداری کاریم کرفنگ ءِ۔ خلق آتا الس کن تینا دوست آتا جہہ جاگہ کن جاگہ الوکہ نن بہارہ کہوٹی اوفتیکن قبرستان اس جوڑ کننگ اُن۔ اواپوزیشن آ تنقید کرسا پارے کہ غٹ تینا تینا فائدہ غاتیکن یکجا مسنو۔ مولانا فضل الرحمان مدام تینا فائدہ کن سیاست کیک، مریم نواز پارے کہ نن استیفہ غاتے مون اٹ خلینہ، وخت بننگ آ نرار، نواز شریف آن وڈٛی خورک عبرت کیر۔ نوازشریف چنکو کاریم اسے آن بزنس ایمپائرز مس۔ سیاسی مافیا متکن آ نظام کن جہد کننگ ءُ، ولے پاکستان داسہ اوکان مون آ ہنانے۔ لس جلسہ غان یونین کونسل 21 آن گچین مروک آ چیئرمین و میٹرو پولیٹن کارپوریشن اسلام آباد اٹی قائد حزب اختلاف ملک عامر آن بیدس ہندی سرکڑدہ غاک ہم تران کریر داکان مست علی نواز اعوان نا جلسہ گاہ غا سرمننگ آ الس مہمان خاص ءِ بخیر گل پاشی اٹ کریر۔
