اسلام آباد۔ 18 جنوری (اے پی پی) پاکستان و چین چندی بشخ آتیٹی کمکاری ءِ پین سوگو کیرہ۔ چین اٹی تعینات پاکستانی سفیر معین الحق و چین نا وزارت دودوربیدہ و سیل و سوات نا نائب وزیرژانگ ژونانیام اٹ اسہ اوڑدہی اسے ٹی چندی تہوار تا اڈتننگ نا کمک اٹ سیل و سوات و دودوربیدگ نا بشخ آتیٹی کمکاری ءِ ودفنگ آ امنا کننگانے۔ اودا بشخ آتیٹی مربوط و بھلو کچ اسے ٹی شونداری کن پوسکن آ میکانزم ءِ وضع کننگ آ زور شاغانو۔ نائب وزیر ژانگ ژو پارے کہ چین پاکستان نا سفارتی تعلقداری تا 70 می سال دے انا وخت آ دود آتا اڈتننگ کن پاکستان تون پبی کمک کیک۔
