اسلام آباد۔ 18 جنوری (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی پنجاب نا میدانی علاقہ غاتیٹی گوتلو مننگ نا گمان ءِ۔ کشمیر، گلگت بلتستان، بڑزکو خیبرپختونخوا و قطبی بلوچستان اٹی موسم یخ وخت اس کہ ملک انا ایلو علاقہ غاتیٹی موسم یخ و پِرکپک۔ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و پِرکپک وخت اس کہ قطبی بلوچستان و بڑزکو علاقہ غاتیٹی بھاز یخ مس وخت اس کہ پنجاب نا میدانی علاقہ غاتیٹی بھاز گوتلو ئس۔ دوشنبے نادے آ ریکارڈ کروک آ کم آن کم درجہ حرارت نا رپورٹ نا رداٹ اسکردو ٹی درجہ حرارت منفی 14، گوپس، استور، لہہ منفی 12، اننت ناگ منفی 8، بگروٹ منفی 7، گلگت، ہنزہ، سری نگر منفی 6، پاراچنار، شوپیاں و زیارت اٹی منفی 5 ڈگری سینٹی گریڈ ریکارڈ کننگانے۔
