کراچی ۔17جنوری (اے پی پی):پاک بحریہ ءِ جہاز پی این ایس نصر بنی آدمی یکوئی مشن ءِ سرجمی ءِ واستہ جتا جتائیں افریقی ملک آںی تر ءُ تاب ءَ روادگ بوتگ۔ شمبے ءِ روچ ءَ جاڑی بوتگیں جار ءِ رد ءَ جہاز ءِ تر ءُ تاب ءِ مول ءُ مراد کدرتی آپت ءَ چہ آماچ بوھوکیں مردم آناں کمک پجاری کنگ انت۔ پاک بحریہ ءِ جہاز سیلاپ زدگ ءُ ڈکال ءَ آماچ بوتگیں افریقی ملک آنی الس ءِ واستہ وردن ءُ وراکی سامان آنی پجاری ءِ واستہ رھادگ انت۔ اے تر ءُ تاب ءِ واستہ پی این ایس نصر جبوتی، سوڈان ءُ نائجر ءَ کمک پجاری ءِ واستہ ممباسا، کینیا ءِ تر ءُ تاب ءَ ھم کنت۔ پی این ایس نصر ءِ تر ءُ تاب ءِ مول ءُ مراد وزارت ءِ درئی کار ءُ حکومت ءِ (Engage Africa) پالیسی ءِ چیر دستی ءَ افریقی ملک آںی گوما دو نیمگی یکوئی آناں دیمروئی ءُ وت مہ وتی کمک آنی نوکیں کشک آناں پٹ ءُ پول کنگ انت۔
