کشمیر  ہندوستان ءِ گیش ءُ گیوار ءِ ناسرجمیں  ایجنڈا ات، ایشی گیواری ءَ ابید ایمنی  برجا بوت نہ کنت، اسپیکر راجی اسمبلی

اسلام آباد۔16جنوری (اے پی پی):اسپیکر راجی اسمبلی اسد قیصر ءَ گوشت کہ  کشمیر ہندوستان ءِ گیوار ءِ  ناسرجمیں ایجنڈا ات،  ایشی یے گیواری ءَ ابید ایمنی ءِ برجائی بوت نہ کنت۔ بھارتی حکومت ءِ نیمگ ءَ 5 اگست 2019 ءِ  گام ءَ بھار ءِ  دروگیں لکا ءَ را دگنیا ءِ دیم ءَ سہرا کتگ، پاکستان کشمیری الس آنی وت واجئی ھک  ءِ جنز ءِ کمک ءَ جاڑی دار ایت، اے ھیالانی درشانی   آئی ءَ  شمبے ءِ روچ ءَ  راجی اسمبلی ءِ باسک  کشمیر کمیٹی نورین فاروق  ابراھیم ءَ  گوں بوھوکیں گند ءُ نند ءِ ساھت ءَ تران کنان ءَ کت۔  گند ءُ نند ءَ قائمہ کمیٹی برائے درئی کار ملک محمد احسان اللہ ٹوانہ،  بین تحریک حق خوداریت انٹرنیشنل ءِ چیئرمین   راجہ نجات حسین  ءُ  کشمیر  کونسل ءِ باسک یونس میر ھم ساڑی ات۔ گند ءُ نند ءَ آل پارٹیز پارلیمانی گروپ ءِ برجائی ءَ  ھیال ریچی  کنگ بوت۔