راولپنڈی ۔15جنوری (اے پی پی): مزن وزیر عمران خان ءِ ھاسیں کمکار برائے گریبی ءِ رکھینوک ءُ گہبود ثانیہ نشتر ءَ گوشت کہ سرجمیں ملک ءَ احساس سروے جون 2021 ءَ سرجم بیت، احساس پروگرام ءِ کار رپک 70 لکھ بزگریں ھاندان آں تاں پراھ ءُ شاھیگان کنگ بیت، 200 ارب کلدار مالیت ءِ احساس پراگرام ملکی تاریخ ءِ درستاں چہ مستریں پراگرام انت، احساس کفالت پروگرام ءِ چیر دستی ءَ سرجمیں ملک ءَ 41 ضلع آں ھوار ھواریں رنگ ءَ 63 درسد سروے سرجم کنگ بوتگ۔ کمپیوٹرائزڈ ءُ ڈیجیٹل سروے ءِ واستہ استاد آنی ازمت در جنگ بوتگ، تحصیل راولپنڈی ،گوجرخان ءَ 25جنوری ءَ چہ سروے ءِ بنگیج کنگ بوتگ وھدیکہ ٹیکسلا ءَ یکم فروری ءَ بنگیج بیت۔ آدینگ ءِ روچ ءَ ڈپٹی کمشنر کارگس ءَ پریس کانفرنس ءِ موہ ءَ ڈپٹی کمشنر کیپٹن (ر) انوار الحق ھم آئی ءِ ھمبراھ ات۔ ثانیہ نشتر ءَ گوشت کہ گریبی ءِ ھلاسی ءِ واستہ جاڑیگیں مزن وزیر ءِ “احساس پروگرام” ءِ 41 ضلع آنی تہ ءَ سروے سرجم کنگ بوتگ۔ احساس نشوونما پروگرام ءَ سرجمیں ملک ءَ 48 احساس نشوونما سنٹرز جوڑ کنگ ءَ آں ہولی فیملی اسپتال ءَ احساس رکھینگی پروگرام فروری ءَ بندات بیت احساس پروگرام ءَ کمک کٹ ءِ مٹ ءَ سکور ءِ سر ءَ دیگ بیت۔
