لاہور۔15جنوری (اے پی پی): مزن وزیر عمران خان ءَ گوشت کہ اچ کس کانود ءَ چہ برز تر نہ انت، پولیس کجام ھم سیاسی سیادی ءَ را پنچک ءَ میار ایت، انصاف ءِ پجاری ءِ کشک ءَ استیں پینگ جنوک آناں ترندیں سزا دیگ بہ بیت، الس ءِ جیڈھ آںی گیواری ءِ واستہ ایوک ءَ میرٹ ءِ پد ءُ رندی کنگ بہ بیت۔ اے ھیالانی درشانی آئی ءَ آدینگ ءِ روچ ءَ پنجاپ پولیس ءَ گہتری ءُ کار کرد ءِ ھوالگ ءَ دیوان ءِ سروکی ءَ کنان ءَ کت۔ آئی جی پنجاپ انعام غنی ءَ مزن وزیر ءَ را پنجاپ پولیس ءِ کار کرد ءِ گہتر کنگ ءِ ھوالگ ءَ گامگیج آنی سر ءَ بریفنگ دات۔ مزن وزیر عمران خان ءَ آئی جی پنجاپ ءَ را پنت ءُ شون کت کہ الس ءِ جام ءُ مال ءِ رکھینگ ءَ را دل یکیمی جوڑ کنگ ءِ واستہ توامیں آسراتی آناں کار مرد کنگ بہ بیت۔ آئی ءَ گوشت کہ الس ءِ جیڈھ آنی گیواری ءَ ایوک ءَ میرٹ ءَ را پد ءُ رند کنگ بہ بیت، انصاف ءِ پجاری ءِ کشک ءَ استیں پینگ جنوک آناں ترندیں سزا دیگ بہ بیت۔ گوستگیں وھد ءُ باریگ ءَ پولیس ءِ اندر ءَ سیاسی بھرتی کنگ بوتگ، ایشی ءِ تاوان الس آناں چست کنگ کپتگ۔ آئی ءَ گوشت کہ اچ کس کانود ءَ چہ برزتر نہ انت۔ آئی ءَ گوشت کہ وھد ءِ ٹوھیں کرائم کنوک آناں کانود ءِ پنج ءَ آرگ مہ بیت گڈا ھما وھد ءَ تاں کسانیں کرائم کنوک گوش نہ گراں۔ دیوان ءَ سر وزیر پنجاپ سردار عثمان بزدار ءُ مزن وزیر ءِ ھاسیں کمکار شہزاد اکبر ھم ساڑی ات۔
