اسلام آباد۔ 15 جنوری (اے پی پی) بنجائی وزیر ڈٹ بندی شونداری و خصوصی گام گیج اسد عمر نادرا رجسٹریشن آفس اباڑو ضلع گھوٹکی نا دفتر نابناءِ کرے۔ جمعہ نادے آ وزارت ڈٹ بندی نا کنڈآن جاری بیان نا رداٹ داوخت آ بنجائی وزیر اسد عمر ءِ نادرا اباڑو گھوٹکی آفس اٹی الس ءِ تروک آ غٹ آسراتی تیا حوال تننگا۔ داوخت آ بنجائی وزیر اسد عمر پارے کہ نومبر اٹی گھوٹکی نا دورہ ٹی علاقہ ٹی رہینگوک آک دا آفس نا جوڑ کننگ نا خواست ءِ کریسر ہرااینو پورو مسنے۔ الس ءِ گچین آسراتی تا فراوانی پاکستان تحریک انصاف نا اولیت ءِ۔ اسد عمر پارے کہ وزیر اعظم نا ویژن نا رداٹ گھوٹکی نا الس کن پوسکن آ آسراتی تیان شُپ نادرا آفس نا جوڑکننگ اِرٹ آخا اسہ پاکستان نا شاہدی ءِ۔ اسپیشل بندغ آتیکن دا آفس اٹی خاص آسراتی تخنگانے۔ چیئرمین نادرا ہراترند رفتاری اٹ کاریم ءِ پورو کرینے او ستاکڑزک۔ بنجائی وزیر اسد عمر نادرا آفس گھوٹکی نا آفیسر آتون ہموجاگہ نا علاقہ نا رہینگوک آتے گچین آسراتی تننگ نا خاص پارت کرے تانکہ اسہ شاری اسے ہم غاو مف۔
