اسلام آباد۔ 15 جنوری (اے پی پی) چیئرمین سینیٹ محمد صادق سنجرانی تون گلگت بلتستان کانود سازی اسمبلی نا اسپیکر اوڑدہی کرے۔ سینیٹ سیکرٹریٹ نا رداٹ چیئرمین سینیٹ سید امجد علی ءِ گلگت بلتستان کانود ساز اسمبلی نا اسپیکر گچین مننگ آ مبارکبادی تس۔ ہڑتوم آ راہشون تا نیام اٹ ادارہ جاتی کمکاری ءِ پین گچین کننگ آ ہم گپ وتران مس۔ پاکستان نا ادارہ پارلیمانی خذمت و گلگت بلتستان کانود ساز اسمبلی نا نیام اٹ رابطہ غاتے پین ودفنگ آ سجفنگا۔ داوخت آ چیئرمین سینیٹ پارے کہ گلگت بلتستان نا سیاسی سرکڑدہ علاقہ نا شونداری و شونہالی کن سنجیدہ ءِ۔ قطبی علاقہ جاٹ سیل و سوات کن خاص اہمیت تخک۔، ڈیہہ نا شونداری و راجی و اقتصادی شونہالی کن سیل و سوات نا مون آ دننگ المی ءِ۔ اوپارے کہ ایوان بالا گلگت بلتستان نا الس نا ویل آتا ایسری کن تینا کڑد ءِ ادا کرسا کیک۔ سی پیک نا سوب ڈیہہ ٹی شونہالی نا اسہ پوسکن ءُ دوراس بناکیک۔ اومیت ءِ گلگت بلتستان نا پوسکن آ سرکڑدہ علاقہ نا شونہالی کن گچین کڑد ادا کیک۔ اوپارے کہ پوسکن گچین مروک آ اراکین کانود ساز اسمبلی نا کاریم نا کچ ءِ ودفنگ کن پپس انا پلیٹ فارم ءِ کاریم اٹ اتنگ مریک۔ ادارہ جاتی کہول آ گچین کمکاری مون آبسنے۔ چیئرمین سینیٹ اسپیکر گلگت بلتستان اسمبلی ءِ ہروڑنا کمکاری نا باوری کرفے۔ اسپیکر گلگت بلتستان چیئرمین سینیٹ ءِ گلگت بلتستان اٹی جاری شونداری عمل و اہم امور نا بارواٹی معلومدار کرے۔
