ملکی پجار ءَ را سہرا کنگ ءَ ھوار حکومتی گامگیج آناں الس آں تاں سر کنگ ءِ واستہ پی ٹی وی  ءُ ایندگر ریاستی میڈیا ءِ  کلیتی کرد ءِ است، پی ٹی وی ءِ شرپ  ءَ را برجا دارگ اولی کار انت، وزیر ءِ اھوالکاری ءُ شنگ کاری شبلی فراز ءِ دیوان ءَ گوں گشتانک

اسلام آباد۔14جنوری (اے پی پی): بنجاھی وزیر اھوالکاری ءُ شنگ کاری شنیٹر شبلی فراز ءَ گوشت کہ مزن وزیر   ءِ اسلامو فوبیا ءُ  نبی کریم   ﷺ ءِ  شرپ ءُ ازت ءَ را  برجا دارگ ءِ لیکہ، میاں اوستمانی فورمز آنی سر ءَ کشمیر ءِ کیس ءَ را  سہرا کنت، ملکی پجار ءَ را سہرا کنگ ءَ ھوار حکومت گامگیج آناں 22 کروڑ الس آں تاں پجارینگ ءِ واستہ پی ٹی وی ءُ ایندگر ریاستی میڈیا ءِ کلیتی کرد ءِ است انت، پاکستان ٹیلی ویژن (پی ٹی وی) راجی ادارگ ات ایشی ءِ شرپ ءُ ازت ءِ برجائی اولی کار انت،  آ پنچ شمبے ءِ روچ  ءَ پی ٹی وی ءَ پی ٹی وی جنرل منیجرز دیوان ءَ گشتانک دیگ ءَ ات۔ بنجاھی وزیر  سینیٹر شبلی فراز ءَ گوشت کہ گوستگیں  وھد ءِ چاروک آناں دوارگ واتر آرگ پی ٹی وی ءِ توامیں چینلز آنی اول سرئی کار بہ بیت۔ آئی ءَ گوشت کہ اولی رند ءَ گریب، بے وس ءُ بے کسیں مردم آنی واستہ احساس پروگرام، کامیات ورنا پروگرام، لنگر خانہ ءُ پناہ گیر  جوڑ کنگ بوتگ، گوستگیں حکومت آنی اندر ءَ اے رنگیں اچ وڑیں گامگیج گندگ نہ بیت۔  ما الس ءِ گہبود ءُ  گہتری ءِ  منصوبگ  آنی  ھوالگ  ءَ سرپدی پیداک کنگ ءِ ضلورت انت۔ حکومت ءِ گامگیج، مزن وزیر ءِ یونائیٹڈ نیشن ءُ ایندگر میاں اوستمانی فورمز آنی سر ءَ گشتانک آناں دمگی زبان آنی  تہ ءَ  رجانک کنگ ءُ الس آں تاں پجارینگ بہ بنت۔  جنرل میجنرز دیوان ءَ ایڈیشنل سیکرٹری اھوالکاری ءُ  ایم ڈی پی ٹی وی شاہیرہ شاہ ءُ پی ٹی وی ءِ ایندگر  ٹوھ ٹوھیں کارندہ ھوار اتنت۔