اسلام آباد۔14جنوری (اے پی پی):اکادمی ادبیات پاکستان ءِ چیر دستی ءَ بلوچی زبان ءِ نامداریں دیمروئی دوستیں شائر، پٹ ءُ پول کار ، تاریخ نویس ءُ شاہزانت میر گل خان نصیر ءِ 37 سی ءُ ھپتمی سالروچ ءِ درگت ءَ میر گل خان نصیر راجی لبزانکی سیمینار (مرچی) آدینگ ءِ روچ ءَ 3 بج ءَ بیگاہ ، اکادمی ادبیات پاکستان ءِ کانفرنس ہال ءَ برجم دارگ بیت۔ اے دیوان ءِ سروکی ءَ افتخار عارف کنت۔ پروفیسر ڈاکٹر بدل خان ءُ تاج جویو ھاسیں مہمان ءِ بستار ءَ بھر زوری کن انت۔ ڈاکٹر واحد بخش بزدار، ڈاکٹر عبدالصبور بلوچ ءُ ڈاکٹر عبداللہ جان عابد ھاسیں مہمان بنت۔ ڈاکٹ یوسف خشک، چیئرمین اکادمی ادبیات پاکستان بنگیجی گشتانک ءَ دنت۔ ڈاکٹر رحیم بخش مہر، ڈاکٹر لیاقت سنی، یار جان بادینی، ڈاکٹر رمضان بامری ءُ طارق رحیم بلوچ وتی وتی ھیال ءُ لیکہ آں درشان کن انت۔ مراگش ءِ بند ءُ بوج ءَ ڈاکٹر ضیاء الرحمن بلوچ کنت۔
