مزن وزیر  عمران خان ءَ گوں آزربائیجان ءِ وزیر درئی کار ءَ گوں گند ءُ نند ، دو نیمگی یکوئی ءُ دمگی   ءُ میاں اوستمانی کار آنی سر ءَ ھیال ریچی

اسلام آباد۔14جنوری  (اے پی پی): مزن وزیر عمران کان ءَ گوں آزربائیجان ءِ وزیر ءِ درئی کار صبح جیہون بیرا موف ءَ پنچ شمبے ءِ روچ ءَ ادا گند ءُ نند کت ءُ دو نیمگی یکوئی ءُ دمگی  ءُ میاں اوستمانی کار آنی سر ءَ ھیال ریچی کنگ بوت۔ مزن وزیر ءَ آزر بائیجان ءِ  سروک ءُ الس آناں  کشاں چیل ءَ چہ آزات کنائینگ ءِ پد ءَ مبارک بات دات ءُ آزات کنائنتگیں دمگ آنی جوڑیشت ءُ   نوک سر دیمروئی  ءَ پاکستانی ءِ جوانیں کمک کنگ ءِ پد ءَ دل یکیمی کنائینت۔  مزن وزیر میڈیا کارگس  ءِ نیمگ ءَ جاڑی بوتگیں  بیان ءِ رد ءَ گند ءُ نند ءَ مزنو زیر ءَ گہتریں  دو نیمگی سیاسی یکوئی آنی سر ءَ دل یکیمی ءِ درشان کت ءُ تجارت  ءُ ھاٹیگ ءِ شوبگ ءَ کمک آناں دیمروئی دیگ ءِ ارزشت ءِ سر ءَ زور پر  دات۔ آزربائیجان ءِ وزیر ءِ درئی کار ءَ آزربائیجان ءِ صدر الہام علیوف ءِ نیمگ ءَ مزن وزیر ءَ را نیکیں واھگ ءُ واھشت آنی کلوہ دات ءُ نگور نور کا را باخ ءِ جیڈھ آنی سر ءَ پاکستان ءِ نیمگ ءَ یک شلیں کمک آنی سر  ءَ شگر ءُ منت گپ ءُ جموں کشمیر ءِ جیڈھ آنی سر ئَ  آزربائیجان ءِ نیمگ ءَ پاکستان ءِ یک شلی ءَ کمک ءُ یکوئی آنی سر ءَ یکوئی ءِ درشان کت۔ آئی ءَ توامیں شوبگ آنی تہ ءَ دو نیمگی کمک آنی  دیمروئی ءِ واھشت  ءِ درشان کت۔