صدر مملکت ڈاکٹر عارف علوی نا انٹرنیشنل کالج ٹورازم اینڈ ہوٹل مینجمنٹ نا ڈل اتون گپ وتران

اسلام آباد۔ 14 جنوری (اے پی پی) صدر مملکت ڈاکٹر عارف علوی ملکی زرگزرانی شونداری کن سیل و سوات و مہمانداری نا بشخ انا اہمیت ءِ تالان کرسا داہیت آ زور شاغانے کہ ملک اٹی دا صنعت نا مون آ دننگ و شونداری کن نجی بشخ ءِ تینا کڑد ءِ ودفنگ نا گرج ءِ۔ صدر عارف علوی پارے کہ سیل و سوات و مہمانداری نا بشخ اٹی ورناتا تعلیم و تربیت آن ملازمت نا وارخواہی ودی مریک۔ او انٹرنیشنل کالج ٹورازم اینڈ ہوٹل مینجمنٹ نا ڈل اتون گپ وتران کریکہ ہرا پنچ شنبے نادے آ داڑے اوڑتون اوڑدہی کریر۔ صدر مملکت پارے کہ سیل و سوات نا بشخ پاکستان نا زرگزرانی شونداری ٹی اہم کڑد اس ادا کننگ کیک، پاکستان اٹی سیل و سواتی بشخ اٹی شونداری نا بے پناہ لائخی ارے۔ صدر عارف علوی پارے کہ سیل و سوات و مہمانداری نا بشخ اٹی ورناتا تعلیم و تربیت آن ملازمت نا وارخواہی ودی مریک، انٹرنیشنل کالج ٹورازم اینڈ ہوٹل مینجمنٹ پاکستان اٹی مہمانداری نا بشخ اٹی نمان خذمت سرتسنے۔ اوپارے کہ سیل و سوات و مہمانداری نا بشخ انا شونداری و مون آ دننگ کن نجی بشخ ءِ تینا کڑد ءِ ادا کننگ نا گرج ءِ۔