پاناما پیپرز و براڈ شیٹ وڈی خور مافیا نا اودیم ہستی تے پاش کرینو، بنجائی وزیر حوالکاری و شینکاری سینیٹر شبلی فراز

اسلام آباد۔ 12 جنوری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ پاناما پیپرز و براڈشیٹ وڈی خور مافیا نا اودیم ہستی تے پاش کرینو، داننا سجفوک اف بلکن جہانی انکشاف ءُ۔ پنچ شنبے نادے آ بنجائی وزیر سینیٹر شبلی فراز تینا ٹویٹ اٹی پارے کہ براڈ شیٹ نا واقعہ غاک پاش کیرہ کہ مستین این آر او تا سوب آن ملک ءِ امر ناقابل تلافی نسخان رسینگا۔ اوپارے کہ مستین نا وڈی خور حکمرانک تینا اُراتے پُر کریر و پاکستان نا الس ءِ پُلار۔