اسلام آباد۔13جنوری (اے پی پی): مزن ویزر عمران خان ء۔ گوشت کہ مٹ ءُ بدلی ءِ کشک ءَؒ “سٹیٹس کو” ءَ گوں لچوکیں مردم پینگ انت، رشوت ءُ کرپشن والا ایں ملک اچبر دیمروئی کت نہ کناں، آیوکیں گرماگ ءِ موسم ءَ تاں توامیں وزارت آناں ای گورننسءِ سر ءَ آرگ ءِ ڈیڈ لائن داتگ، ایف بی آر ءِ نظام ءَ را جولائی ءَ تاں سرجمیں رنگ ءَ ڈیجیٹیلائز کنگ بیت، ھر کجا سروک کرپٹ بنت گڈا چاگرد ءَ لٹ ءُ پُل ھرابی ءِ لیکگ نہ بیت۔ پاکستان ءَ ڈنگ آنی نندگ ءُ پاد آھگ ءَ گند ءَ چہ سما کنگ نہ بیت کہ اے یک گریبیں ملکے ءِ نندوکیں مردم انت۔ چار شمبے ءَ نینل ہائی وے اتھارٹی ء، چیر دستی ءَ ای بڈنگ ، ای بلنگ ءُ جی آئی ایس میپنگ ءِ بنگیجی مراگش ءَ گوں مزن وزیر عمران خان ءَ ھاسیں مہمان ءِ بستار ءَ گشتانک دیگ ءَ ات۔ مراگش ءَ گوں بنجاھی وزیر رسانک مراد سعید ءُ سیکرٹری ءَ ھم گشتانک دات۔ مزن وزیر عمران خان ءَ مراگش ء۔ گوں گشتانک ءَ این ایچ اے ءُ وزارت ءِ رسانک ءَ را توسیپ ءُ ستا پیش کنان ءَ گوشت کہ ملک ءَ ڈیجیٹلائزیشن ءِ نیمگ ءَ روگ ءَ انت ءُ ھمے نوکیں پاکستان انت، دگنیا ڈیجیٹلائزیشن ءِ نیمگ ءَ روگ ءَ انت، آیوکیں باندات ھمیشی ایگ انت، ایشی ءَ چہ ساپ ءُ سلہ ئی کئیت، جی آئی ایس ءَ چہ نوکیں ٹیکنالوجی ءِ وسیلگ ءَ مانیٹرنگ بوت کنت۔ مزن وزیر ءَ گوشت کہ ای بڈنگ ءُ ای بلنگ ءَ چہ ٹھیکہ ءَ کرپشن ءِ ھلاسی بیت، ھمے رنگ ءَ منوگر بوتگیں کار رپک ءِ چیر دستی ءَ ٹھیکہ دیگ بنت ایشی ءَ چہ نا ایوک ءَ ملک ءَ را تاوان بیت بلکینگ ءَ سڑک ھم شریں جوڑ نہ بوتگ انت، کمیشن گرگ بوتگ، نوں اے نظام ءَ چہ ھرچند ساپ ءُ سلہ ئی کئیت ھمینچو کریشن ءِ تہ ءَ کمیگ کئیت۔ مزن وزیر ءَ گوشت کہ ھر کجا ھم بنی آدمی کرد کم بیت آھودار رشوت ءِ موہ کم بنت، مئے استیں سسٹم رشوت ءَ چہ بُک اتگ انت، ڈیجیٹلائزیشن ءِ گومگیج ایشرا شکست دنت۔ مزن وزیر ءَ گوشت کہ ما 20 سال پیسر شوکت خانم ہسپتال ءَ را کاگد ءَ چہ پاک کنگ ءِ پیسلہ کتگ ، دوا ءُ درمان ءِ بھا ءُ سیم آن لائن بوتگ ایشی ءِ واستہ ما سافٹ وئیر ءِ جوڑ کتگ، ایشی ءَ چہ کرپشن ھلاس بوتگ ءُ پیسہ جم کنگ بوت کتگ، دگنیا ءَ 20 سال پیسر اے نظام بزاں کار رھبند اتگ پدا ھم اپسوز انت کہ پاکستان 2021 ءَ اے نیمگ ءَ روگ ءَ انت۔ مزن وزیر ءَ گوشت کہ کوھنیں کار رپک ءَ چہ ناجائزیں سیت چست کنگ ءُ ٹرانسفر ءِ کشک ءَ پینگ است، سٹیٹس ءَ را مٹ کنگ مٹ ءُ بدلی انت۔ مزن وزیر ءَ گوشت کہ وت کاریں نظام ءَ چہ دگنیا ءَ سیت چست کتگ، کرپشن ءِ نظام ءِ سبب ءَ مئے ملک ءُ ایندگر ادارگ آنی تہ ءَ اے نظام نہ اتکگ۔ آئی ءَ گوشت کہ پاکستان ءَ را اسلامی گہبودی ریاست ءِ جوڑ کنگ ءِ واب ءُ سسا ءِ بوتگ تاں وھد ءِ ما واتر ایشرا سادگی ءِ لیکہ ءِ سر ءَ میار آاں ھما وھد ءَ تاں اللہ پاک ءِ کمک ھوار نہ بیت۔ مزن وزیر ءَ گوشت کہ درستاں چہ گیش کرپشن دگ آنی جوڑ یشت ءِ سر ءَ بیت ، اگاں ادا مٹ ءُ بدلی کئیت گڈا دومی ادارگ آنی تہ ءَ ھم الم کئیت۔ مزن وزیر ءَ گوشت کہ ایف بی آر ءَ را جولائی ءَ تاں سرجمیں رنگ ءَ ڈیجیٹلائزیشن ءِ ڈیڈ لائن داتگ، ایف بی آر ءِ ڈیجیٹلائزیشن ءَ چہ ٹیکس گرگ گیش بیت۔ گیش زر جم کنگ بیت گڈا جان سلامتی وانگ ءُ زانگ ءِ سر ءَ ھرچ کنگ الکاپی ءَ بوت کنت، راستیں سرمایہ کاری بنی آدم آنی سر ءَ ھرچ کنگ انت، ھمے وڑ ءَ گہبودی ریاست جوڑ بیت، کرپشن ءِ ھلاسی بیت گڈا گیش زر کئیت، ایشی ءَ چہ انفراسٹرکچر ءَ را شاھیگانی دیاں۔ مزن وزیر ءَ گوشت کہ ایندگر وزارت آنی سر ءَ زور ءَ را گیش ودیناں تانکہ ای گورننس ءِ نیمگ ءَ بیا انت، توامیں وزارت ءُ ادارگ آناں آیوکیں گرماگ ءِ تاں ڈیڈ لائن داتگ۔
