اسلام آباد۔13جنوری (اے پی پی): مزن وزیر عمران خان ءَ پاکستان ءُ ترکی ءِ سیاسی یکوئی آناں گیش مھکمیں شریکدری ءَ مٹ ءُ بدلی کنگ ءِ ارزشت ءِ سر ءَ زور پر داتگ۔ اے ھیالانی درشانی آئی ءَ چار شمبے ءَ ادا ترکی ءِ وزیر ءِ درئی کار میولود چاوش اولو ءَ گوں تران کنان ءَ کت آءی ءَ مزن وزیر کارگس ءَ آئی ءَ گوں گند ءُ نند کت۔ مزن وزیر میڈیا کارگس ءِ میڈیا کارگس ءِ نیمگ ءَ جاڑی بوتگیں جار آنی رد ءَ مزن وزیر عمرن خان ءُ ترکی ءِ وزیر ء، درئی کار ءَ دو نیمگی یکوئی ءُ دمگی ءُ میاں اوستمانی کار آنی سر ءَ ھیال ریچی کت ءُ تجارت، سرمایہ کاری، دیمپانی ءُ وانگ ءُ زانگ ءُ دود ءُ ربیدگ ءِ شوبگ آںی تہ ءَ یکوئی آناں گیش دیمروئی دیگ ءِ جزم ءِ درشان کت۔ مزن وزیر عمران خان ءَ جموں کشمیر ءِ جیڈھ آنی ھوالگ ءَ ترکی ءِ نیمگ ءَ پاکستان ءِ جوانیں کمک کنگ ءِ پد ءَ شگر ءُ منت واری گپ ءُ بھارتی گامگیج آناں ایمنی ءُ سلامتی ءِ واستہ بیم ناک نامینت۔ مزن وزیر ءَ اوگان ایمنی کار ءِ واستہ پاکستان ءِ پازیٹیو کرد ءَ را سہرا کت ءُ لٹ ءُ کٹ ءِ تہ ءَ کمی ءِ وسیلگ ءَ جنگی بندی ءُ اوگان جیڈھ ءِ دراج بریں سیاسی گیواری ءِ واستہ توامیں اوگان پریک آنیواستہ ایشی ءِ ارزشت ءِ درشان کت۔ عمران خان ءَ گوشت کہ اسلامو فوبیا ءِ ھلاپ ءَ کار کنگ ءُ بنی کریم ﷺ ءِ زات مبارک ءِ گوما مسلمان آنی یکیم آناں گہتریں کار رپک ءَ پھمگ ءِ ارزشت ءَ را دیمروئی دیگ ءِ ضلورت انت۔ گند ءُ نند ءَ پاکستان ءُ ترکی ءِ نیام ءَ مزن تکی ڈل آنی تر ءُ تاب ءُ دوئیں ملک ءُ الس آنی وت مہ وتی سیت ءِ واستہ دو نیمگی سٹریٹیجک یکوئی آناں گیش دیمروئی دیگ ءِ سر ءَ تپاک کنگ بوت۔
