اسلام آباد۔ 13 جنوری (اے پی پی) بنجائی وزیر اقتصادی امور مخدوم خسرو بختیار پارینے کہ وزیراعظم عمران خان نا سمارٹ لاک ڈاؤن و کاروبار انسانی زند انا رکھ انا پالیسی نا سوب آن کاروبار و زرگزران اٹی گچینی بننگ ءِ۔ چارشنبےنادے آ تینا اسہ بیان اسے ٹی مخدوم خسروبختیار پارے کہ کورونا دین انا سوب آن ہراڑے اسہ کنڈآ جہانی زرگزران اٹی منفی 4.3 دسد سکڑاؤ بسنے ایلو کنڈآ وزیراعظم عمران خان نا سمارٹ لاک ڈاؤن،کاروبار و انسانی زند انا رکھ و اقتصادی امداد نا پیکج نا پالیسی نا سوب آن کاروبار و زرگزران اٹی گچینی بننگ ءِ واونا عکاسی ملک اٹی بھلا صنعت آتا پیدوار اٹی ودکی آن ہم مننگ ءِ۔ اوپارے کہ نومبر 2020اٹی بھلا صنعت آتا پیدوار اٹی نومبر 2019 نا مقابلہ ٹی 14.5 درسد نا نمان ودکی مسنے۔ یات سلے کہ پاکستان بیورو شماریات (پی بی ایس) نا رداٹ بھلا صنعت آتا پیدوار اشاریہ ایل ایس ایم آئی نا رداٹ ملک اٹی بھلا صنعت آتا پیدوار اٹی نومبر 2020اٹی 14.46درسد ودکی ریکارڈ کننگانے۔
