اسلام آباد۔ 13 جنوری (اے پی پی) بنجائی وزیر داخلہ شیخ رشید احمد پارینے کہ وزیراعظم و کابینہ نا فیصلہ ءِ کہ اسامہ ستی نا باوہ ہراوڑ جاست وپاست کرفنگ خوائے حکومت پورو کمک کیک۔ داخیال آتا درشانی ءِ او چارشنبے نادے آ اسامہ ستی نا باوہ تون فون آ اسامہ ستی خون واقعہ انکوائری رپورٹ آ گپ وتران کرسا کرے۔ وزیر داخلہ پارے کہ وزارت داخلہ نا کنڈآن انکوائری کمیٹی نا جاست وپاستی رپورٹ ءِ اُرے۔ انکوائری رپورٹ آن است جم ءِ تو اودے مون آ گدریفنگک۔ اوپارے کہ وزیراعظم و کابینہ نا فیصلہ ءِ کہ اسامہ ستی نا باوہ ہراوڑ جاست وپاست کرفنگ خوائے حکومت پورو کمک کیک۔ اگہ ہائیکورٹ نا جج آن انکوائری کرفوئی ءِ نا ورندی نا چاری اُٹ۔ شیخ رشید احمد پارے کہ اطلاع ایتے تو وزارت داخلہ نا کنڈآن وزارت کانود ءِ چھٹی اس نوشتہ کیوہ۔ جاست و پاست آن نا است جم مننگ غٹ آن زیات المی ءِ۔ اسامہ نا واقعہ بھاز بھلن ءِ، قابل مذمت ءِ۔ اوپارے کہ آجو و پورو جاست وپاست کن مدام تیار اُن۔ اولین اولیت ءِ نی و نا خاہوت است جم مرے۔
