اسلام آباد۔12جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ احمد فراز ءَ بنی آدم آناں کلوہ داتگ ءُ بزگیں راج آناں راستی ءِ گوانک ءَ را برز ءُ بلند کتگ، آ یک رھبند دوستیں شائر ءِ بوتگ، اچبر آ چہ وتی لیکہءُ شاہزانتی ءَ چہ پشت کنز نہ بوتگ، آئی ءَ وتی لیکہ آناں الس آناں پجارینتگ ءُ سر کتگ۔ اے ھیالانی درشانی آئی ءَ سئے شمبے ءِ روچ ءَ اکادمی ادبیات پاکستان ءُ احمد فراز ٹرسٹ ءِ چیر دستی ءَ بندوبست کتگیں اردو ءِ نامداریں شائر احمد فراز ءِ 90 نودھمی سالروچ ءِ رد ءَ بست ءُ بند کتگیں “احمد فراز راجی لبزانکی سیمینار” ءَ ھاسیں مہمان ءِ بستار ءَ گشتانک دیگ ءَ ات۔ سینیٹر شبلی فراز ءَ گوشت کہ احمد فراز یک جوانیں بے درور ءُ بے مٹیں بنی آدم ءِ بوتگ، آ وتی لیکہ ءَ چہ اچبر پشت کنز نہ بوتگ۔ آئی ءَ بزگیں کشمیری ءُ فلسطینی راج آنی واستہ شائری ءِ رنگ ءَ جہد ءُ کوشست کتگ، آ مہرانکی ءُ بنی آدم دوستیں شاعر ءِ بوتگ۔ آ پاکستان ءِ نیمگ ءَ مہرانک ءُ دوستی ءِ سفیر بوتگ۔ شبلی فراز ءَ گوشت کہ احمد فراز ءَ ھمزوریں ءُ بزگیں مردم آنی واستہ نا ایوک ءَ شائری ءِ وسیلگ ءَ جہد ءُ کوشست کتگ بلکینگ ءَ گواچنی رنگ ءَ جہد ءُ کوشست ءَ پیسر بوتگ۔ سرجمیں دگنیا ءَ ھر کجا کہ اُردو زبان پھمگ ءُ گپ جنگ بیت ، احمد فراز ءِ نام شرپ ءُ ازت ءِ گوما توار گرگ بیت۔ آ وتی شائری ازم ءَ چہ مدام نیمران بیت۔ آئیءَ گوشت کہ منی اولی پجار احمد فراز انت، آئی ءَ گوشت کہ منا پھر انت کہ من آئی چک آں۔ آئی ءَ گوشت کہ احمد فراز ءَ غالب ءِ شائری ءَ را سک باز دوست داشتگ۔ مراگش ءِ سروکی پروفیسر فتح محمد ملک ءُ محمد اظہار الحق ءَ کت۔ مراگش ءِ گڈ ءَ احمد فراز ھدا مرزی ءِ آکبت پہ ھیری ءِ واستہ پاتیہ وانی کنگ بوت۔
