اسلام آباد۔ 12 جنوری (اے پی پی) پاکستان اٹ چین نا سفارتخانہ چین و پاکستان نا نیام اٹ سفارتی تعلقداری تا 70 می سال دے انا وخت آ مقابلہ مضمون نگاری نا پڑو ءِ کرینے۔ دانا سرحال ’’پاک چین سنگتی نا کناکِسہ‘‘ ءِ و مضمون جمع کرفنگ نا آخیریکو تاریخ 31 مارچ 2021ءِ۔ دامقابلہ ٹی بشخ ہلنگ کن قاعدہ و ضابطہ ٹی پاننگانے کہ چینی وپاکستانی دودوربیدہ، رسم و رواج، تاریخ وجغرافیہ نا بارواٹی احساس، تاثر و پاک چین سنگتی نا بابت گچین سرحال کسہ ٹی اوار مریر۔ وخت اس کہ داٹی لوز آتا جم کچ 1000آن زیات مف۔ بشخ ہلوک آتے عکس انا گونڈ ءُ عبارت اسے نا وضاحت کن تعلقدار ہائی ڈیفینیشن مسہ عکس گدریفنگ نا ہم موکل مریک۔ مقابلہ مضمون نگاری ٹی بشخ ہلنگ نا خواہشمند بندغ آک ورڈ ڈاکومینٹ اٹ چینی زبان نا مضمون آتے mabinedu@163.com و انگریزی زبان نا مضمون آتے salman.sem.tsinghua@hotmail.com آ جمع کرفنگ کیرہ۔
