اسلام آباد۔ 12 جنوری (اے پی پی) قومی اسمبلی نا بروک آ دیوان ءِ این سی او سی نا کنڈآن سلاہ ہلنگ آن پد بٹنگ انگ نا فیصلہ کننگک۔ قومی اسمبلی سیکرٹریٹ ناحوالی نا رداٹ سیکرٹریٹ نا کنڈآن وزارت پارلیمانی امور ءِ لکھوک آ چھٹی ٹی پاننگانے کہ قومی اسمبلی نا بروک آدیوان ءِ بٹنگ انگ نا بابت این سی او سی آن سلاہ ہلنگے۔ حوالی نا پاننگ ءِ کہ کورونا نا حالیت آتا رداٹ داہیت ءِ المی خیال کننگاکہ این سی او سی آن سلاہ ہلنگے۔ این سی او سی آن سلاہ ہلنگ آن پد دیوان ءِ بٹنگ انگ نا حتمی فیصلہ اس مون آ بریک۔ یات سلے کہ قومی اسمبلی نا ساڑی آ پارلیمانی سال 13 اگست آ بناکریسس، ہر پارلیمانی سال انا 130 دے ءِ پورو کننگ آئینی خواست ءِ۔
