ادیس ابابا۔ 12 جنوری (اے پی پی) اقوام متحدہ نا جہانی ادارہ جان جوڑی (ڈبلیو ایچ او) پارینے کہ ایتھوپیا ٹی پوشکن آ اِڷ آن بچفنگ نا ویکسینیشن مہم اٹی 6 لکھ 50 ہزار بندغ آتے پوشکن آ اِڷ آن بچفنگ نا ویکسین تننگا۔ چینی خبررساں ادارہ نا رداٹ ڈبلیو ایچ او نا کنڈآن جاری کروک بیان اٹی پاننگانے کہ نومبر 2020ء ٹی سویلی قوم، قومیت و مخلوق(ایس این این پی) و اورومیا نا علاقہ غاتیٹی 7 لکھ بندغ ءِٰ زہمی کروک آ پوشکن آ اِڷ آن بچفنگ نا مہم اس چلیفنگاسس۔ رپورٹ اٹی پاننگانے کہ مارچ 2020ء ٹی پوشکن آ اِڷ انا معاملہ رپورٹ مننگ آن پد ڈبلیو ایچ او نا چاروکی نا آفسیر و علاقائی جان جوڑی بیورو ٹیمک چاروکی ءِ منظم کریر ہراٹی فعال کیس آتا پٹنگ ہم اوار ءِ۔ ڈبلیو ایچ او نا رداٹ اولیکو ایکٹیو مہم نا بنامارچ 2020اٹی انور اینرنا 17 ذیلی ضلع غاتیٹی چلیفنگاسس ہراتم دا دین تالان مسوسس زوت مہم نا بناءِ کننگ نا سوب آن دا دین نا ترندی اٹ مون ءِ توننگاسس۔
