گورنر بلوچستان امان اللہ خان یاسین زئی تون آئی جی ایف سی (ساؤتھ) میجر جنرل ایمن بلال صفدر نا اوڑدہی

کوئٹہ۔ 12 جنوری (اے پی پی) گورنر بلوچستان امان اللہ خان یاسین زئی تون آئی جی ایف سی (ساؤتھ) میجر جنرل ایمن بلال صفدر سے شنبے نادے آ گورنر ہاؤس کوئٹہ ٹی اوڑدہی کرے۔ اوڑدہی ٹی صوبہ ٹی امن و ایمنی نا جم حالیت و دہشت گردی نا برخلاف چست کروک آ گام گیج آتون اوار تین پہ تینی است خواہی نا باندات آتیا سرجم گپ وتران کننگا۔ داوخت آ گورنر بلوچستان پارے کہ زرگزرانی شونداری و سیاسی سوگوی کن امن اولین شڑت ءِ۔ دارداٹ ملک و صوبہ ٹی پائیدار امن نا بابت غٹ کانود نافذ کروک آ ادارہ غاتا بھلو خذمت و قربانی اسے۔ اوپارے کہ پائیدار امن نا سوب آن نئے بیرہ جہانی کہول آ زرکارآک پاکستان اٹ زرکاری ٹی است خواہی ہلنگ ءُ بلکن دانا سوب آن بھاز زوت مچ آ ڈیہہ زرگزرانی و واپاری سرجزآتا مرکز مریک۔