کوئٹہ۔11جنوری (اے پی پی):صوبائی وزیر داخلہ بلوچستان میر ضیاء اللہ لانگو ءِ سروکی ءَ ایمنی ءِ ھوالگ ءَ مزن تکی دیوان ءِ برجم دارگ بوت، دیوان ءَ مچھ واکیہ ءِ بابت ءَ پیش کتگیں رپوٹ آیوکیں گامگیج ءُ جتا جتائیں شور آنی ھوالگ ءَ چار ءُ تپاسی دیوان ءِ بوت دیون ءَ ایڈیشنل چیف سیکرٹری توکی کار، انسپکٹر جنرل پولیس، ڈپٹی انسپکٹر جنرل پولیس، ایڈیشنل ڈپٹی کمشنر کوئٹہ، ایندگر مزن تکی دیوان ءَ شریکی کت۔ دیوان ءَ واکیہ ءِ رپوٹ ، آیوکیں گامگیج، ایمنی ءُ ھواریں جاور ھال ءُ جتا جتائیں شور ءُ مشور گرگ بوت، دیوان ءَ مزن تکی کارندہ آں وتی وتی محکمہ آنی نیمگ ءَ جتا جتائیں شور ءُ مشور آنی ھوالگ ءَ بریفنگ دات، بلوچستان ءَ ناشرکار آنی ھلاپ ءَ مزنیں کساسن ءَ آپریشن ءِ بنگیج کنگ بوت۔ میر ضیاء اللہ لانگو ءَ گوشت کہ صوبگ ءَ استیں بے ایمنی دژمن آنی پندل انت۔ میر ضیاء اللہ لانگو ءَ دیوان ءَ گوشت کہ ناشرکار مارا وت مہ وت جنگ ءُ چوپ آنی بنیات ءَ بھر ءُ بانگ کنگ لوٹ ایت۔ ناشرکار یک منصوبگے ءِ چیر دستی ءَ کاروائی کنگ ءَ انت آئی ءَ گوشت کہ ہر کجا ناشرکار است آوانی ھلاپ ءَ ترندیں کاروائی کنگ بیت۔ ما وار زون ءَ آں۔ ناشرکاری ءِ واکیہ ءِ گر ءُ دار ءُ ایشی ءَ گوں دست مانجنیں مردم ءُ آوانی آسراتی دیوک آنی ھلاپ ءَ کاروائی کناں۔
