ٹھٹھہ۔ 09مارچ (اے پی پی) وزیراعظم محمد نواز شریف پارینے کہ بنجائی حکومت الس نا ویل آتا ایسر کن تینا کڑد ءِ ادا کیک، سندھ انا الس نا ٹھپ آتیا مالم تخنہ، سندھ حکومت نا کنڈآن الس نا ویل آتے ایسر کپننگ آ است ہسونی نا درشانی ءِ کرسا اوپارے کہ صوبائی حکومت الس نا ویل آتے بایدے ایسر کروسس ولے او داوڑ کتو۔ بنجائی حکومت الس نا ویل آتے ایسر کننگ کن تینا کڑد ءِ ادا کیک و علاقہ نا الس نا ویل آتے ایسر کرفینہ۔ پنچ شنبے نا دے مکلی گراؤنڈ اٹی لس جلسہ آن تران کرسا وزیراعظم شیرازی برادران نا کنڈآن کروک آ خواست آتیا پارے کہ علاقہ نا ویل آتا بابت ہراخواست آتے کننگانے او صوبائی حکومت نا دائرہ کارنا بابت ءُ۔ صوبائی حکومت بایدے داویل آتے ایسر کروسس ولے صوبائی حکومت ویل آتے ایسر کتو ہنداخاطران بنجائی حکومت تینا کڑد ءِ ادا کیک و دا ویل آتے ایسر کرسا دم کشک۔ اوپارے کہ سندھ انا الس نا ٹھپ آتیا مالم تخنہ و اوفتے اسہ ولولہ اس تازہ ءُ ایتنہ۔ اوپارے کہ بجلی ، دیر ، روڈ و موٹروے تتون اوار غٹ آسراتی تے تننگک و الس نا محرومی تے مر کننگک انتئے کہ پین کسس الس نا ویل آتے مر کپک تو نن کینہ۔ سندھ انا خلق آتے پنجاب نا شارتیانبار جوڑ کینہ و سندھ ءِ پوسکن جوڑ جاڑ کینہ۔
