اسلام آباد۔ 09مارچ (اے پی پی) بنجائی وزیر پارلیمانی امور شیخ آفتاب احمد پارینے کہ پاکستان بیت الما ل میڈیکل، تعلیم، خصوصی فیملی ڈٹ آتا رداٹ حقدار بندغ آتا مالی کمک ءِ کیک، قومی اسمبلی نا باسک آک تینا تینا علاقہ غاتیٹی سویٹ ہوم تا مانیٹرنگ ءِ کیر۔ پنچ شنبے نا دے قومی اسمبلی ٹی وقفہ سوج آتیٹی شازیہ مبشر نا سوج انا ورندی ٹی شیخ آفتاب احمد پارے کہ مچ آ ملک اٹی 34سویٹ ہوم ءُ۔ پاکستان بیت المال میڈیکل، تعلیم، خصوصی فیملی ڈٹ آتا رداٹ حقدار بندغ آتا مالی کمک ءِ کیک۔ اوپارے کہ اسلام آباد نا سویٹ ہوم تے کن زمردخان نا بھلو کڑد اسے۔ ملک اٹی اڈ ہلوک ایلو سویٹ ہوم تے ہم ہندا معیار آ اتنگ کن کوشست کننگ اُن۔ اوپارے کہ ایم ڈی بیت المال آن خواست کینہ کہ او کراچی ٹی بیت المال نا دفتر نا دورہ ءِ کے۔ اوپارے کہ وزیراعظم ملک آن پولیو نا مرض انا ہمیشہ کن چٹفنگ کن پرعزم ءِ و دانا ساڑی گری آ وزیراعظم ءِ گڑتی ءِ۔ سویٹ ہوم تیٹی اسہ چناڑآ سینزدہ ءُ نیم ہزار روپئی ماہانہ خڑچ بریک۔ قومی اسمبلی نا باسک آک تینا تینا علاقہ غاتیٹی سویٹ ہوم تا مانیٹرنگ ءِ کیر۔ ای تینٹ اٹک اٹی اونا چاروکی ءِ کیوہ، داننا غٹ انا چناک ءُ۔
