وزیراعظم نا پڑو کروک ہسپتال آتیان مسہ ہسپتال اسلام آباد اٹی جوڑ جاڑ کننگک
اسلام آباد۔ 09مارچ (اے پی پی)وزیر مملکت کیڈ ڈاکٹر طارق فضل چوہدری پارینے کہ پمز ہسپتال اٹی اسہ پوسکن ءُ بلاک اسے نا جوڑ جاڑ پوروی نا مرحلہ غاتیٹی ءِ، داڑے اسہ پورو ڈائیلاسز سنٹر اس مریک ، اسلام آباد اٹی 300 کٹ آتا ڈسٹرکٹ ہسپتال اس جوڑ کننگ انگ ءِ وخت اس کہ وزیراعظم نا پڑو کروک ہسپتال آتیان مسہ ہسپتال داڑے جوڑ جاڑ کننگک۔ پنچ شنبے آ قومی اسمبلی ٹی وقفہ سوج آتیٹی عذرا افضل نا سوج انا ورندی ٹی وزیر مملکت کیڈ ڈاکٹر طارق فضل چوہدری پارے کہ پمز اٹی پوسکن آ وارڈ، پوسکن ءُ ایمرجنسی ، پتھالوجی نا جتا ءُ بلاک اس جوڑ کرینن، باسک آک اگہ پمز ہسپتال نا دورہ ءِ کیرہ تو اوٹی گچینی نظربریک۔ پمز اٹی اسہ پوسکن ءُ بلاک اسے نا جوڑ جاڑ پوروی نا مرحلہ ٹی ءِ۔ اسلام آباداٹی 300 کٹ آتا ڈسٹرکٹ ہسپتال پارک روڈ اس جوڑ مریک۔ وزیراعظم نا پڑو کروک ہسپتال آتیان مسہ ہسپتال اسلام آباد اٹی جوڑ مریک۔ اوپارے کہ پمز اٹی میڈیکل ٹاور جوڑ کننگ نا منظوری تننگ تنے
