اسلام آباد۔09مارچ( ا ے پی پی) مزن وزیر ءِ دری کارانی ھاسیں کمک کار طارق فاطمی ءَ گوں آکسفورڈ سینٹر فار اسلامک سٹیڈیز ءِ ڈائریکٹرزڈاکٹر فرحان احمد نظامی ءَ پنچ شمبےءِ روچءَ دری کارانی وزارت ءَ گندءُ نند کتگ۔ ھاسیں کمک کار ءَ اسلام ءِ تہذیب ءُ ثقافت ءِ سرپدی ءُ گیشی ءِ ھاترءَ سینٹر ءِ کار ءُ اسلامی دگنیا ءِ جیڑءُ جنجال ءُ میاں اوستمانی ءُ راجی جیڑھ ءِ اکیڈمک تناظر ءَ گیشءُ گیوار ی پیش کنگءِ ھوالگ ازمت ءَ را ساڑاتگ۔ آئی ءَ پاکستانی ادارگ ءُ سینٹر ءِ درنیام ءَ ھمگرنچیں پڑ آنی تہا سکالرشپ دیئگ ءُ علم حاصل کنگ ءِ ھوالگءَ کمک ءِ امکاناتءِ سرءَ ھم ھیال ءُ لیکہءِ درشانی کتگ۔ طارق فاطمی ءَ پاکستان ءَ بازیں ادارگ ءُ سکالرز ءِ کارءَ چہ پاھدگ چست کنگءِ دلبڈی کتگ ءُ گشتگ کہ سینٹرءَ را پاکستان ءِ اکیڈمک کمیونٹی ءِ گوما کمک ءُ باستءُ واست ءِ دلبڈی کنگ لوٹ ایت۔
