راولپنڈی۔17اکتوبر (اے پی پی): بنجاھی وزیر سیول ایوی ایشن ملک دژمن آنی ایجنڈا آںی سر ءَ کار کنگ ءَ انت، پی ڈی ایم ءِ سروک گوجرانوالہ مچی ءَ گوں ریاستی ادارگ آناں نشانگ بندگ، آ ادارگ آنی ھلاپ ایرادی گپ ءُ نہ وشیں زبان کارمرد کنگ ءَ ایراد گراں۔ پاک اُرد ملک ءِ ایمنی ءُ برجائی ءِ واھُند انت، پی آئی اے ءِ سر ءَ پرائیویٹائز کنگ نہ بوھگ ءَ انت، اللہ ءِ کرم ءُ حکومتی گامگیج آں چہ کورونا ءِ گر ءُ دار کنگ بوتگ، گران بھائی ءِ سوا مئے توامیں امبار جوان انت، گوستگیں روچ ءَ پی ٹی آئی سیکریٹریٹ روالپنڈی ءَ پریس کانفرنس کنان ءَ آئی ءَ گوشت کہ آئی ءِ پارٹی ءُ سرجمیں راج سیکورٹی کارندہ آناں وطن ءِ رکھینگ ءِ واستہ جان آنی قربانی ءَ را سلام پیش کناں، آئی ءَ گوشت کہ پی ڈی ایم ءَ ھواریں توامیں گل آنی سروک آں گوجرانوالہ مچی ءَ ریاستی ادارگ آنی ھلاپ ءَ گیر مناسب زبان کارمرد کت۔ اپوزیشن نہ وشیں ایجنڈا آنیسر ءَ کار کنگ ءَ انت، ملک ءَ را ڈکالی ءِ آماچ کنگ ءِ پندل ناکام بنت، یک جستے ءِ پسو ءَ بنجاھی وزیر ءَ گوشت کہ نواز شریف اشتہاری انت ءُ ایم کیو ایم ءَ جوڑیشتکار ءِ کرد ءَ پیلو کنگ ءَ انت، آئی ءِ واتری ءِ واستہ توامیں کانودی رسانک در آں کارمرد کنگ بنت۔
