اسلام آباد۔ 16 اکتوبر (اے پی پی) بنجائی وزیر ڈٹ بندی، شونداری و خصوصی گام گیج اسد عمر نا کماشی ٹی اسلام آباد اٹی ویڈیو لنک انا کمک اٹ پنجاب نا جان جوڑی نا بابت شونداری پروگرام و فنڈ آتا حالیت آتا بابت دیوان اس اڈ ہلک۔ دیوان اٹی صوبائی وزیر جان جوڑی یاسمین راشد، ڈپٹی چیئرمین پلاننگ کمیشن محمد جہانزیب خان، سیکرٹری پلاننگ اینڈ ڈویلپمنٹ ئسک بشخ ہلکر۔ دیوان اٹی زچہ و بچہ ہسپتال آتا تفنگ و پنجاب اٹی پی ایس ڈی پی نا رداٹ جاری جان جوڑی نا ایلو ڈٹ آتا بابت بنجائی وزیر ءِ معلومدار کننگا۔ یاسمین راشد پارے کہ مچ آپنجاب اٹی زچہ و بچہ نا 6 ہسپتال آتا تفنگ کن پنجاب حکومت نا تیاری پورو ءِ۔ اوسلاہ کرے کہ بنجائی حکومت کوویڈ۔ 19 رسپانس پروگرام نا رداٹ دا ہسپتال آتا تفنگ کن فنڈ آتا فراوانی ءِ پک کے۔ یاسمین راشد بنجائی وزیر ءِ این آئی ایچ اسلام آباد نا وڑآ پنجاب اٹی ہم اسہ انٹیگریٹڈ کمیونیکبل ڈیزیز سینٹر نا جوڑ کننگ نا ڈٹ آن معلومدار کرے و پارے کہ کورونا کون آ دینی مرض آتارداٹ داوڑنا سینٹر وخت انا اہم گرج ءِ تانکہ دینی مرض آتا زوت پیدواری مننگ کے۔ اوپارے کہ دا سینٹر مچ آ پنجاب نا لیب اتون منسلک مریک۔ اسد عمر صوبائی وزیر ءِ بنجا نا کنڈآن کمکاری نا باوری کرفے۔ اوڑتون اوار پی ایس ڈی پی نا رداٹ پنجاب اٹی ڈسٹرکٹ ہیڈکوارٹرز و تحصیل ہیڈکوارٹرز نا اپ گریڈیشن و دا بابت پی سی ون زوت آن زوت جوڑ کننگ نا ہم پارت کرے۔
