اسلام آباد۔ 16 اکتوبر (اے پی پی) وزیراعظم نا سلاہکار احتساب و داخلہ بیرسٹر شہزاد اکبر پارینے کہ گودی نی داسہ زیاتی کننگ اٹی اُس، جلسہ نا موکل نا جند انا پسند ناجاگہ غا و لاہور آن روانگی ہم نا مرضی نا روٹ آن تننگانے، داسہ نی جلسہ شوق اٹ کر۔ داخیال آتا درشانی ءِ او جمعہ نادے آ مریم نواز ءِ ورندی ترسا تینا ٹویٹ اٹی پارے کہ گودی نی داسہ زیاتی کننگ اُس۔ جلسہ نا موکل نا جند انا پسند نا جاگہ غا و لاہور آن روانگی ہم نا مرضی نا روٹ آن تننگانے۔ داسہ نی جلسہ شوق اٹ کر۔ اوپارے کہ اگہ جلسہ ٹی مچی کم مرے تو بقول فواد عاطف اسلم حاضر ءِ۔ دا اِلہ و ایلم نا مسڑ نا حد ءِ اسٹ ءِ جالب مننگ نا شوق ءِ تو ایلو ءِ بینظیر۔ واہ ری سیاست ہراڑے لاڑکانہ نا روڈ آتا چکنگ ئس ہراڑے اونا درور جوڑ مننگ ءُ۔ ایہن لگک اینو بلاول اوفتیان واری ءِ دیک۔
