اسلام آباد۔ 16 اکتوبر (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ ننا آخبت علم و ٹیکنالوجی نا شونداری تون گنڈوک ءِ، ملکی زرگزران ءِ سوگو کننگ کن برآمد آتیٹی ودکی المی ءِ، است انا سٹنٹ نا ملک اٹی تیاری اہم ءُ گام اسے، قوم تا شونداری ٹی ٹیکنالوجی نا بشخ اٹی شونداری نا اہم کڑد اسے۔ داخیال آتا درشانی ءِ او جمعہ نادے آ نسٹ اٹی این۔ اوویٹو ہیلتھ ٹیکنالوجی نا بنائی دود آن تران کرسا کرے۔ بنجائی وزیر پارے کہ ٹیکنالوجی نا بشخ اٹی پیش رفت آن قومک شون ہلکر۔ حکومت 50 سال آن پد صنعت، تعلیمی ادارہ و دفاع نا تعلق ءِ جوڑ کرینے۔ اوپارے کہ ننا زرگزران نا زیات آ سیبو درآمد آتیاٹی ءِ، ولے ملکی زرگزران ءِ سوگو کننگ کن برآمد آتیٹی ودکی المی ءِ۔ نن تینا وسیلہ غاتے کاریم اٹ اتسا شون ہلکونن۔ اوپارے کہ کورونا دین انا دین بس تو ننتون بنداوی رکھی گڑاہم ساڑی الوکہ ولے اللہ نا فضل و کرم اٹ اینو نن کورونا دین آن بچنگ کن رکھی گڑابرآمد کننگ اُن۔ است انا سٹنٹ نا ملک اٹی تیاری بھاز اہم ءُ گام اسے۔ اوپارے کہ فیصل آباد صنعتی زون اٹی 200 ایکڑ آ میڈیکل سٹی اس جوڑ کننگانے۔
