اسلام آباد۔ 16اکتوبر (اے پی پی) بنجائی وزیر صنعت و پیداوار حماد اظہر پارینے کہ حکومت زر انا غیر کانودی وڑاٹ گدریفنگ ءِ توننگ کن گچین گام گیج کرینے، روشن ڈیجیٹل اکاؤنٹ اسکیم نا زبردست ستاءِ کننگ انگءِ، ساڑی حکومت نا دورہ اٹی زررادہ کننگ اٹ 20 درسد ودکی مسنے۔ جمعہ نادے آ ایوان بالا ٹی وقفہ سوج آتیٹی چندی باسک آتا سوج آتا ورندی ءِ ترسا اوپارے کہ ایف اے ٹی ایف پاکستان نا کنڈآن مروک آ پیش رفت انا ستاءِ کرینے، ایف اے ٹی ایف نا بروک آ دیوان اٹی پاکستان نا گام گیج آتیا سجفنگک، مہالو پاکستان بلیٹ لسٹ اٹ ئس و ولدا گرے لسٹ اٹ بس۔ اوپارے کہ نن ہنڈی، حوالہ و غیر کانودی وڑاٹ زر انا گدریفنگ ءِ کنٹرول کرینن و کانودی وڑءِ آسان جوڑ کننگانے ہراتم کہ منی لانڈرنگ نا ہیت مریک، اپوزیشن ءِ داڑآن ویل خبراف انت اکن مریک۔ ایف اے ٹی ایف اٹ جہانی برادری پاکستان نا گام گیج آتا ستاءِ کرینے و داموقف ءِ اختیار کرینے کہ اولیکو وار پاکستان اٹ حکومت اس دا باندات آ سنجیدگی اٹ کاریم کننگ ءِ۔
