اسلام آباد۔15اکتوبر (اے پی پی): مزن وزیر عمران خان ءَ پنچ شمبے ءِ روچءَ اسلام آباد ءِ دمگ پشاور موڑ ءَ جوڑ کتگیں باہوٹ جاہ ءِ ترءُ تاب کتگ۔ مزن وزیر ءِ حاسیں کمک کار ثانیہ نشتر، سینیٹر فیصل جاوید ءُ پاکستان بیت المال ءِ ایم ڈی عون عباس ہم آئی ءِ ہمراہ بوتگ۔ مزن وزیر ءَ باہوٹ جاہ ءِ بازیں بھرآنی چارءُتپاسی کتگ ءُ باہوٹ جاہ ءِ انتظامی گامگیج ءُ آسراتیانی چارءُ تپاسی کتگ۔ اے موہ ءَ ڈاکٹر ثانیہ نشتر ءُعون عباس ءَ مزن وزیر ءَ را باہوٹ جاہ ءِ بندوبست ءُ آیانی تہ ءَ نشتگیں مردمانی ہوالگ ءَ شونست داتگ۔ مزن وزیر ءَ باہوٹ ءِ بندوبست سڑاتگ ءُ گشتگ کہ باہوٹ جاہ ءَ نندوکیں مردمانی عزت ءُ شرپ ءِ حیال داری کنگ بہ بیت۔ مزن وزیر ءَ اے موہ ءَ باہوٹ جاہ ء نندوکیں مردمانی گوما گپ ءُ تران کتگ ءُ باہوٹ جاہ ءَ استیں آسراتیانی ہوالگءَ جُستءُ پُرس کتگ۔ ایشی ءَ پد مزن وزیر ءَ باہوٹ جاہ ءَ نندوکیں مردمانی گوما لنگر جاہ ءَ چہ نان ہم وارتگ ۔
