اسلام آباد۔15اکتوبر (اے پی پی): ملک مستر ڈاکٹر عارف علوی ءَ پاک بحریہ ءِسروک ایڈمرل محمد امجد خان نیازی ءَ را نشان ِ امتیاز (ملٹری) داتگ۔ پاک بحریہ ءِ جارچین ءِ گشگ ءِ ردءَ فوجی اعزاز امیر البحر ءَ ملکءِ بحری رکینگ ءُ وتی ازمتاں دئیگ ءِ پد ءَ پہ داد دیئگ بوتگ۔ ایڈمرل محمد امجد خان نیازی ءَ پاک بحریہ ءَ وتی زمہ واریانی پیلو کنگ ءَ ایچ وڑیں چک ءُ پد ناکتگ ءُ ہر وہد ءَ ایمانداری ءِ گوماوتی ڈیوٹی کتگ۔ وتی شانداریں سروس ءِ تہ ءَ آئی ءَ پاک بحریہ ءِ دیمروئی ءَ حاسیں کرد پیلو کتگ۔ چیف آف دی نیول سٹاف ایڈمرل امجد خان نیازی نشان ِ امتیاز (ملٹری) ءَ پاک بحریہ ءِ آپریشنز برانچ ءَ 1985ءَ کمیشن حاصل کتگ۔ آئی ءَ بنداتی تربیت چہ پاکستان نیول اکیڈمی ءَ حاصل کتگ۔ آئی ءِ جوانیں کارءُ کردءِ سبب ءَ تربیت ءِ وہدءَ آئی ءَ را چیئرمین جوائنٹ چیفس آف سٹاف گولڈ میڈل ءُ اعزازی تلوار دیئگ بوتگ۔ آئی ءِ کمانڈءَ دو TYPE-21 گراب پی این ایس بدر ءُ پی این ایس طارق ءِ کمانڈ، کمانڈنٹ پی این ایس بہادر، کمانڈنٹ پاکستان نیوی وار کالج/کمانڈر سنٹرل پنجاب، کمانڈر پاکستان فلیٹءُ کمانڈر کراچی ہوار اَنت۔ آئی ءِ حاسیں اسٹاف تقری آں چیف آف دی نیول اسٹاف ءِپرنسپل سیکریٹری، ہیڈ آف F-22P مشن چائنہ، ڈپٹی چیف آف نیول اسٹاف(ٹریننگ اینڈ ایوالیوایشن)، ڈائریکٹر جنرل نیول انٹیلی جنس ءُ چیف آف اسٹاف ( آپریشنز) ہوار اَنت۔ ایڈمرل محمد امجد خان نیازی آرمی کمانڈ اینڈ اسٹاف کالج کوئٹہ ءُ نیشنل ڈیفنس یونیورسٹی اسلام آباد ءِ گریجویٹ اِنت۔ آئی ءَ چین ءِ بیجنگ یونیورسٹی آف ایروناٹکس اینڈ ایسٹروناٹکس ء َ چہ Underwater Acoustics ءِ ماسٹر ءِ ڈگری ہم حاصل کتگ۔ نشان ِ امتیاز(ملٹری) ءِ داد ءَ ابید ، ہلال امتیاز(ملٹری) ءُ ستارہئ بسالت ہم دیئگ بوتگ۔ ایشی ءَ ابید 2004 ءَ طوفان ءَ پد آئی ءَ مالدیپ ءِ نزیک ءَ بوتگیں ریلیف آپریشن ءِ سروکی کتگ ءُ بازیں زندے رکھ اِینتگ کہ اے داد ءَ آئی ءَ فرانس حکومت ءِ نیمگ ءَ چہ Chevalier(Knight) ہم دیئگ بوتگ۔ بنجاہی وزیر ، چیئرمین جوائنٹ چیفس آف سٹاف کمیٹی، چیف آف ایئرسٹاف،سلاہ بندیں فوج ءِ افسر ءُ مزن تک ءِ عہدگ اے مراگش ہوار بوتگ اَنت۔
